అవతార్‌. 2009లో ప్రపంచ వ్యాప్తంగా సంచలనం సృష్టించిన అద్భుతం. వరల్డ్‌ సినిమా హిస్టరీలో అవతార్ ఓ క్లాసిక్‌. జేమ్స్‌ కేమరూన్‌ ఊహాశక్తి, మనుషుల స్వార్థం ప్రపంచాన్ని ఎలా నాశనం చేస్తుందో చెప్పే సందేశం కలిపి అవతార్‌ ఒక కొత్త ప్రపంచాన్ని సృష్టించాయి. ఆ సినిమాలో పండోరా అనే కొత్త గ్రహాన్ని సృష్టించిన దర్శకుడి విజువల్‌ మాయాజాలం ఇప్పటికీ కళ్ల ముందు కదుల్తూనే ఉంటుంది. ప్రపంచంలో అత్యధిక వసూళ్లు సాధించిన రికార్డు కూడా అవతార్‌ పేరు మీదే ఉంది. ‌అవతార్‌ సినిమా ఏకంగా ఐదు భాగాల సినిమా. అందులో రెండో భాగం పనులు శరవేగంగా సాగుతున్నాయి. ఈ సీక్వెల్‌లో పండోరా గ్రహం కనిపించదు. మరో కొత్త ప్రపంచాన్ని సృష్టించాం అని చిత్ర బృందం ఫోటోలను ట్వీట్‌ చేసింది. ముందు ఊహించినట్టుగానే ఈ సారి అవతార్‌ కథ సముద్రం నేపథ్యంలో ఉంటుందని ఆ ఫోటోలు చూస్తే అర్థమవుతోంది. 2021 డిసెంబర్ 18న వచ్చే ఈ సినిమా ప్రమోషన్‌ ఇప్పటి నుంచి ప్రారంభమైపోయింది. ఇప్పటికే రెండు, మూడు భాగాల పనులు పారలల్‌గా సాగుతున్నాయి.