హమ్మయ్య.. థాయ్‌లాండ్‌ గుహలో చిక్కుకున్న 12 మంది చిన్నారులు, వారి ఫుట్‌బాల్‌ కోచ్‌ అందరూ సురక్షితంగా బయటపడ్డారు. వారిని ప్రత్యేక అంబులెన్స్‌లో హాస్పిటల్‌కి తరలించి చికిత్స అందిస్తున్నారు. అత్యంత సాహోసోపేతంగా.. డైవర్లు పిల్లలను కాపాడారు. జూన్‌ 23న 12 మంది చిన్నారులు తమ ఫుట్‌బాల్‌ కోచ్‌తో థాయ్‌లాండ్‌లోని ప్రఖ్యాత తామ్ లుయాంగ్‌ గుహ చూడడానికి వెళ్లారు. వరద ఉద్ధృతి పెరిగి గుహ అంతా నీళ్లతో నిండిపోయి అక్కడే చిక్కుకుపోయారు. 9 రోజుల ఉత్కంఠ తర్వాత వారిని బ్రిటిష్‌ గజ ఈతగాళ్లు కనిపెట్టారు. కానీ, గుహ లోపల నీటి మట్టం పెరగడం, బురద వల్ల చిన్నారులను బయటకు తీసుకురావడం ఛాలెంజ్‌గా మారింది. పిల్లలెవ్వరికీ ఈత రాకపోడం, 9 రోజులుగా ఆహారం లేక నీరసించిపోడం వల్ల పరిస్థితి మరీ క్రిటికల్‌ అయింది. చివరికి.. విదేశీ డైవర్లు, థాయ్‌ డైవర్ల సాహసించి చిన్నారులను సురక్షితంగా బయటకు తీసుకొచ్చారు.