బిగ్‌బాస్‌-1తో పోలిస్తే నానీ హోస్ట్‌ చేస్తున్న బిగ్‌బాస్‌-2 నీరసంగానే కొనసాగుతోంది. ఇప్పుడిప్పుడే ఊపు తెచ్చేందుకు ప్రయత్నాలు జరుగుతున్నాయి. ఎలిమినేట్‌ అయిన వారిలో ఒక్కర్ని వైల్డ్ కార్డ్ ఎంట్రీ ద్వారా బిగ్ బాస్ హౌస్‌కి తీసుకుని వచ్చేందుకు ఓటింగ్‌ మొదలుపెట్టారు. ఈ కంటెస్టెంట్స్ ప్రమోషన్స్‌లో నూతన్ నాయుడు ముందున్నాడు. బిగ్ బాస్ హౌస్‌లోకి వైల్డ్‌కార్డ్‌‌తో మలయాళీ భామ, స్వామి రారా ఫేం పూజా రామచంద్రన్ ఎంట్రీ ఇచ్చింది.

డల్‌గా సాగుతున్న బిగ్‌బాస్‌కి కిక్కు తెచ్చేందుకో ఏమో గానీ.. మరో ఇంట్రస్టింగ్‌ న్యూస్‌ చక్కర్లు కొడుతోంది. అదేంటంటే… బిగ్ బాస్ హౌస్‌లో క్రేజీ హీరో విజయ్ దేవరకొండ సర్‌ప్రైజ్‌ ఇవ్వబోతున్నాడట. అదీ తన మూవీ గీత గోవిందం ప్రమోషన్స్‌కి కాదట,‘రౌడీ వేర్’ ప్రమోషన్‌ కోసమంట. మరో షాకింగ్‌ ఏంటంటే షర్ట్ లేకుండా బిగ్ బాస్ హౌస్‌కి వస్తాడని. KLM ఫ్యాషన్‌ మాల్‌కి విజయ్‌ బ్రాండ్‌ అంబాసిడర్‌గా. ఆ సంస్థ బిగ్‌బాస్‌-2 అఫీషియల్‌ ఫ్యాషన్‌ పార్ట్‌నర్‌ కూడా. KLMబ్రాండ్ ఆఫ్ షర్ట్స్‌తో ‘రౌడీ వేర్’ పేరుతో ఓ క్యాంపెయిన్‌ నిర్వహిస్తున్నారు. ఈ క్యాంపెయిన్‌లో విజయ్ దేవరకొండ షర్ట్ లేకుండా బుల్లెట్‌పై వెళుతున్న భారీ కటౌట్‌లు కనిపిస్తున్నాయి. బిగ్ బాస్ హౌస్‌ నుంచి ఈ క్యాంపెయిన్‌ని విజయ్‌ ద్వారా ప్రమోషన్స్‌ చేయాలని KLM ఫ్యాషన్ మాల్‌ భావిస్తోందని న్యూస్‌. పనిలో పనిగా తన అప్ కమింగ్ మూవీ గీత గోవిందం ప్రచారం కూడా కలిసొస్తుంది. అందుకే.. బిగ్ బాస్‌ హౌస్‌కి విజయ్‌ ఎంట్రీ ఇస్తాడనే తెలుస్తోంది.